भज गोविन्दं – Bhaj Govindam

।। 1 ।।
दिनमपि रजनी सायं प्रात: शिशिरवसन्तौ पुनरायात:।
काल: क्रीडति गच्छत्यायुस्तदपि न मुञ्चत्याशावायु: ।।1।।
भज गोविन्दं भज गोविन्दं भज गोविन्दं मूढ़मते।
प्राप्ते सन्निहिते मरणे नहि नहि रक्षति डुकृञ् करणे।। (ध्रुवपद्म)

।। 2 ।।
अग्रे वह्नि: पृष्ठे भानू रात्रौ चिबुकसमर्पितजानु:।
करतलभिक्षा तरुतलवासस्तदपि न मुञ्चत्याशापाश: ।।2।।

।। 3 ।।
यावद्वित्तोपार्जनसक्तस्तावन्निजपरिवारो रक्त:।
पश्चाद्धावति जर्जरदेहे वार्तां पृच्छति कोऽपि न गेहे ।।3।।

।। 4 ।।
जटिलो मुण्डी लुञ्चितकेश: काषायाम्बरबहुकृतवेष:।
पश्यन्नपि च न पश्यति लोको ह्युदरनिमित्तं बहुकृतशोक: ।।4।।

।। 5 ।।
भगवद्गीता किञ्चिदधीता गंगाजललवकणिकापीता।
सकृदपि यस्य मुरारिसमर्चा तस्य यम: किं कुरुते चर्चाम् ।।5।।

।। 6 ।।
अगं गलितं पलितं मुण्डं दशनविहीनं जातं तुंडम्।
वृद्धो याति गृहीत्वा दण्डं तदपि न मुञ्चत्याशा पिण्डम् ।।6।।

।। 7 ।।
बालस्तावत्क्रीडा सक्तस्तरुणस्तावत्तरुणीरक्त:।
वृद्धस्तावच्चिन्तामग्न: पारे ब्रह्माणि कोऽपि न लग्न: ।।7।।

।। 8 ।।
पुनरपि जननं पुनरपि मरणं पुनरपि जननीजठरे शयनम्।
इह संसारे खलु दुस्तारे कृपयापारे पाहि मुरारे ।।8।।

।। 9 ।।
पुनरपि रजनी पुनरपि दिवस: पुनरपि पक्ष: पुनरपि मास: ।
पुनरप्ययनं पुनरपि वर्षं तदपि न मुञ्चत्याशामर्षम् ।।9।।

।। 10 ।।
वयसि गते क: कामविकार: शुष्के नीरे क: कासार:।
नष्टे द्रव्ये क: परिवारो ज्ञाते तत्वे क: संसार: ।।10।।

।। 11 ।।
नारीस्तनभरनाभिनिवेशं मिथ्यामायामोहावेशम्।
एतन्मांसवसादिविकारं मनसि विचारय बारम्बारम् ।।11।।

।। 12 ।।
कस्त्वं कोऽहं कुत आयात: का मे जननी को मे तात:।
इति परिभावय सर्वमसारं विश्वं त्यक्त्वा स्वप्नविचारम् ।।12।।

।। 13 ।।
गेयं गीतानामसहस्त्रं ध्येयं श्रीपतिरूपमजस्त्रम्।
नेयं सज्जनसंगे चित्तं देयं दीनजनाय च वित्तम् ।।13।।

।। 14 ।।
यावज्जीवो निवसति देहे कुशलं तावत्पृच्छति गेहे।
गतवति वायौ देहापाये भार्या बिभ्यति तस्मिन्काये ।।14।।

।। 15 ।।
सुखत: क्रियते रामाभोग: पश्चाद्धन्त शरीरे रोग:।
यद्यपि लोके मरणं शरणं तदपि न मुंचति पापाचरणम् ।।15।।

।। 16 ।।
रथ्याचर्पटविरचितकंथ: पुण्यापुण्यविवर्जितपन्थ:।
नाहं न त्वं नायं लोकस्तदपि किमर्थं क्रियते शोक: ।।16।।

।। 17 ।।
कुरुते गंगासागरगमनं व्रतपरिपालनमथवा दानम्।
ज्ञानविहीन: सर्वमतेन मुक्तिं न भजति जन्मशतेन ।।17।।

इति श्रीशङ्कराचार्यविरचितं चर्पटपञ्जरिकास्तोत्रं सम्पूर्णम् ।

Bring the sacred air of Vrindavan home

Handmade malas, pure dhoop, attar, jaap counters and revered books, packed in Vrindavan and shipped worldwide.

Free shipping above ₹999Dispatch in 24 hoursCash on Delivery
Bestsellers from Vrindavan
Shopping Cart
Scroll to Top